सहा महिन्यातून एकदा मूल्यमापनाच्या निमित्ताने प्रत्येक पालकासोबत व्यक्तिश: संवाद साधला जातो. शाळेत घेतल्या जाणाऱ्या सर्व कृती, दिले जाणारे अनुभव यात आपल्या पाल्याचा सहभाग कसा व किती आहे. आपल्या पाल्याच्या विशेष तसेच लक्षपूर्वक करून घ्याव्या लागणाऱ्या काही बाबी यांविषयीही बोलणे होते.

शिक्षक आपल्या घरी आल्याचा आनंद बालकासाठी अवर्णनीय असतो. शिक्षक, बालक आणि पालक यांच्यात आपलेपणाचे नाते निर्माण होण्यासाठी या गृहभेटी महत्त्वाच्या ठरतात. या निमित्ताने बालकाच्या घरातील वातावरणाचा शिक्षकांना अंदाज येतो.